“యహూషువః యొక్క దేవుడు” అనే పదం లేఖనానుసారమేనా? ఎఫెసీయులకు 1: 19 లో, అపొస్తలుడైన పౌలు “మన ప్రభువైన యహూషువః యొక్క దేవుడైన మహిమ స్వరూపియగు తండ్రి” అని వ్రాశాడు. యహూషువః యొక్క దేవుడు మహిమగల తండ్రి అని పౌలుకు స్పష్టంగా తెలుసు. ఎఫెసీయులకు రాసిన లేఖను ప్రారంభిస్తూ, పౌలు “మన ప్రభువైన యహూషువః క్రీస్తు యొక్క తండ్రియగు దేవుడు స్తుతింపబడును గాక‌” అంటూ ఆశీర్వదిస్తాడు. ముగింపులో, అతడు వారిని “తండ్రియైన దేవుని నుండియు ప్రభువైన యేసుక్రీస్తు నుండియు సమాధానమును విశ్వాసముతో కూడిన ప్రేమయును సహోదరులకు కలుగును గాక” అని ఆశీర్వదిస్తాడు (ఎఫె. 1: 3; 6:23).

యోహాను 20: 17 లో యహూషువః మరియతో, “నేను నా తండ్రియొద్దకు, మీ తండ్రియొద్దకు; నా దేవునియొద్దకు, మీ దేవునియొద్దకు ఎక్కిపోలేదు” అని చెప్పెను. యోహాను 17: 3 లో యహూషువః తన తండ్రిని “అద్వితీయ సత్యదేవుడు” అని పేర్కొన్నాడు. యహూషువః ఒకే దేవుడిని నమ్మినవాడు.

త్రిత్వ సిద్ధాంతాన్ని విశ్వసించే వారు, శాశ్వతంగా ముందుగానే ఉన్న “దేవుని కుమారుడు” ని తిరస్కరించుట అనేది యహూషువః దైవత్వాన్ని తొలగించుట ద్వారా ఆయన మహిమను తగ్గించుట అవుతుంది అని చెప్పుదురు. అయితే త్రిత్వ సిద్ధాంతాన్ని తిరస్కరిస్తూ కూడా క్రీస్తు యొక్క “దైవిక స్వభావాన్ని” ధృవీకరించవచ్చు, ఆయనను యహువః కుమారుడిగా తన ప్రత్యేకమైన మూలాన్ని సూచించడం ద్వారా. “సర్వోన్నతుని శక్తి” మరియను కప్పివేసినప్పుడు, “సర్వోన్నతుని కుమారుడు” జన్మించాడు (లూకా 1:32, 35). “నా ప్రియ కుమారుడు” అని పిలిచినప్పుడు యహువః తన పితృత్వాన్ని ప్రకటించాడు (మత్త. 3:17). క్రైస్తవులు కూడా యహువః యొక్క సంపూర్ణతతో నిండి ఉండాలి (ఎఫె. 3:19).

కొంతమంది యహూషువః క్రీస్తు “కేవలం మనిషి” మాత్రమే అని – అతడు పాపము చేయనివాడు అనుటలో తప్ప – మరేవిధంగానూ మానవునికి భిన్నంగా లేడు అని నమ్ముతారు. అవి క్రీస్తును తగ్గిస్తాయి. త్రిత్వ లోపానికి వ్యతిరేకంగా నిలబడుతూ కూడా వారు కొన్నిసార్లు యహూషువః స్థితిని తగ్గిస్తారు. అతిగా స్పందించాల్సిన అవసరం లేదు. క్రొత్త నిబంధన యొక్క ప్రేరేపిత రచయితలు యహూషువః గురించి అతిశయోక్తిగా మాట్లాడుతారు. ప్రకటన గ్రంథంలోని యోహాను యొక్క మాటలు వర్ణించలేని తిరిగి లేచిన ప్రభువును వివరిస్తాయి! (ప్రక. 1: 14-16).

యహూషువః “అదృశ్య దేవుని యొక్క రూపం [చిహ్నం]” (ఈయనలో మనం తండ్రిని స్పష్టంగా చూస్తాము); “ఆయన మహిమ యొక్క ప్రకాశం” (మన ముఖాలపై ప్రతిబింబిస్తుంది); మరియు “ఆయన వ్యక్తిగత ఖచ్చితమైన చిత్రం” (మనపై ముద్ర వేయబడి, శాశ్వత ముద్రగా ఉంటుంది)! మన అద్భుతమైన ప్రభువులో మనం ఎలా సంతోషించకుండా ఉండగలము?

తన కుమారుడు తగ్గించబడినప్పుడు యహువః మరింత గొప్పవాడని మనం అనుకోకూడదు. ఏ కొడుకు సాధించిన విజయాలు అతని భూసంబంధమైన తండ్రి వ్యక్తిపై బాగా ప్రతిబింబించవు? అయితే, తన కుమారుని యొక్క మచ్చలేని జీవితాన్ని, అద్భుతమైన పనులను మరియు నిస్వార్థ త్యాగాన్ని స్తుతించేటప్పుడు యహూషువః యొక్క తండ్రి ఎంత గొప్పవాడు? యహూషువః క్రీస్తు మరణమును నిరర్థకము చేసి జీవమును అక్షయతను సువార్తవలన వెలుగులోనికి తెచ్చెను. (II తిమో. 1:10).

“మీరు నా నామమున దేని నడుగుదురో తండ్రి కుమారుని యందు మహిమపరచబడుటకై దానిని చేతును. నా నామమున మీరు నన్నేమి అడిగినను నేను చేతును.” (యోహాను సువార్త 14:13,14)

యహువః యొక్క ఆత్మ యహువః మరియు తన కుమారునికి సంబంధించిన సత్యాన్ని తెరుస్తుంది, కానీ నిజమైన సత్యాన్వేషకుడికి మాత్రమే. ఇది ఖచ్చితంగా గ్రహించవలసిన విషయం, క్రొత్త కారును కొనడం మరియు రహదారిపై అదే రకమైన తయారీ మరియు మాదిరి/model ని చూడటం లాంటిది. మనం ఇంతకు ముందెన్నడూ చూడని యహూషువః యొక్క ఏకైక దేవుడిని కనుగొంటాము. మనము బైబిల్ ద్వారా ప్రోత్సహించబడ్డాము మరియు ప్రేరేపించబడతాము, కాని మనకు ఎంత తక్కువ తెలుసు అనే విషయంలో ప్రభువు మన “కళ్ళు తెరిచినప్పుడు”, ఎంత కోల్పోయామో అనేది మనం తెలుసుకున్నప్పుడు మాత్రమే.

ఈ అవగాహన లేకపోవటానికి ఒక ఉదాహరణ, 1 కొరింథీయులకు 8: 6 యొక్క ప్రాముఖ్యతను మనం ఎలా చూస్తాము లేదా చూడము అనేది. ఇది స్పష్టంగా మనకు ఇలా తెలియజేస్తుంది: “మనకు ఒక్కడే దేవుడున్నాడు, ఆయన తండ్రి; ఆయననుండి సమస్తమును కలిగెను; ఆయన నిమిత్తము మనమున్నాము. మరియు మనకు ప్రభువు ఒక్కడే; ఆయన యహూషువః క్రీస్తు; ఆయన ద్వారా సమస్తమును కలిగెను; మనము ఆయన ద్వారా కలిగిన వారము.” “ఒకే ప్రభువు” ను “ఒకే దేవుడితో” సమానంగా చూడటం ఎలా సాధ్యమవుతుంది?

సాంప్రదాయం ప్రకారం, ఒకే దేవుడు ముగ్గురు వ్యక్తులను కలిగి ఉంటాడు: సహ-సమాన తండ్రి, కుమారుడు మరియు పరిశుద్ధాత్మ. ఆధ్యాత్మికతలో కప్పే ముందు బైబిల్ సత్యానికి ఆశ్రయం కల్పించుటకు సంప్రదాయం యొక్క సామర్థ్యాన్ని మనం ఎప్పుడూ తక్కువ అంచనా వేయకూడదు. సంఘం యొక్క వేదాంతవేత్తలు ఎన్ని సంవత్సరాలలో ఎన్ని నెలల్లో ఎన్ని గంటలు పరిశుద్ధాత్మను పంపుటలోని యహూషువః యొక్క భాగాన్ని గురించి చర్చించారు? తూర్పు మరియు పశ్చిమ సంఘాలు వాస్తవానికి ఈ ప్రశ్నపై ఒకదానినొకటి బహిష్కరించుకున్నాయి! అపొస్తలుల కార్యములు 2: 33 ను శీఘ్రంగా పరిశీలిస్తే సమస్యను వెంటనే పరిష్కరించవచ్చు: “కాగా ఆయన యహువః కుడిపార్శ్వమునకు హెచ్చింపబడి, పరిశుద్ధాత్మను గూర్చిన వాగ్దానమును తండ్రివలన పొంది, మీరు చూచుచు వినుచునున్న దీనిని [యహూషువః] కుమ్మరించి యున్నాడు.” యోహాను 16: 7 లోని యహూషువః మాటలు తండ్రి మరియు కుమారుడి నుండి పరిశుద్ధాత్మ ఉద్భవించెనని నిర్ధారిస్తుంది.

“నీతిమంతుడు విశ్వాసమూలంగా జీవించాలి” అని చెప్పుచూ రోమన్ సంఘాన్ని ధిక్కరించిన అదే మార్టిన్ లూథర్ వాస్తవంగా యాకోబు పుస్తకాన్ని “గడ్డి యొక్క సువార్త” గా మరియు బహిరంగంగా మరియు క్రియాత్మకంగా సెమిటిక్ వ్యతిరేకమని పేర్కొనెననుట మనము నమ్ముట కష్టం.

క్రీస్తులో ఒక సహోదరుడైన సెర్వెటస్ ను మంటల్లో కాల్చమని (నెమ్మదిగా, ఆకుపచ్చ కలపపై) గొప్ప కాల్విన్ ఆదేశించాడని తెలుసుకుని మనము భయపడతాము. సెర్వెటస్ ఏ భయంకరమైన మతవిశ్వాసాన్ని ప్రకటించాడని అతడికి ఆ శిక్ష విధించారు? శిశు బాప్తీస్మం యొక్క ఆచారం మరియు త్రిత్వముపై సంఘం యొక్క నమ్మకం లేఖనాధారం కాదని ఆయన బోధించాడు.

రాబోయే సంవత్సరాల్లో క్రైస్తవులు త్రిత్వ సిద్ధాంతాన్ని ఈ విధంగా చూస్తారని నా నమ్మకం: ఇది భగవంతుని సంఖ్య యొక్క వివాదాస్పద విషయంలో క్రైస్తవ సంఘాల యొక్క బోధనను ఏకం చేయడానికి కాన్స్టాంటైన్ ది గ్రేట్ చేత సమావేశమైన బిషప్‌ల సమావేశం యొక్క ఉత్పత్తి. ఒత్తిడి ద్వారా, కొంతమంది బిషప్లు తమ మంచి తీర్పుకు వ్యతిరేకంగా లొంగిపోయారు మరియు విషయం పరిష్కరించబడింది. ఇది కదల్చలేని విధంగా స్థిరపరచబడింది మరియు ఇతరులను “ఏకము” చేయడానికి అనుగుణంగా ఉపయోగించబడింది.

సంఘం 1 కొరింథీయులకు 8: 6 ను భగవంతుని యొక్క నిజమైన నిర్వచనంగా అంగీకరించినప్పుడు మాత్రమే అది యూదులకు ఇలా ప్రకటించగలదు: “అబ్రాహాము, ఇస్సాకు మరియు యాకోబుల దేవుడే యహూషువః (మీ మరియు మా మెస్సీయ) యొక్క దేవుడు!” ప్రపంచవ్యాప్తంగా రెండు బలమైన శక్తులు సంఘర్షణలో బంధించబడ్డాయి: క్రీస్తు ఆత్మ మరియు క్రీస్తు విరోధి ఆత్మ.

యహూషువః తిరిగి వచ్చినప్పుడు, ఒకే శరీరం యూదు మరియు అన్యజనులతో కూడి ఉంటూ – విశ్వాసంలో విడదీయరానిదిగా మరియు నిజమైన ఒకే దేవుడు మరియు అతని కుమారుడైన యహూషువః క్రీస్తును ఒప్పుకొనుచూ – ఆకాశంలో ప్రభువును కలుసుకొనుటకు ఎత్తబడి, ఆపై దేశాలను పరిపాలించడానికి ఆయనతో పాటు భూమికి దిగుతుంది.

“కాబట్టి మనం ఎల్లప్పుడూ ప్రభువుతో కూడ ఉందుము.”

ఇది పీటర్ బార్‌ఫూట్ రాసిన డబ్ల్యుఎల్‌సి ది కాని కథనం.

మేము అసలు వ్యాసం నుండి సమస్త అన్య నామములను మరియు తండ్రి – కుమారుడు అనే శీర్షికలను తొలగించి, వాటి స్థానాన్ని అసలు నామములతో భర్తీ చేసాము. ఇంకా, ఇక్కడ ఇవ్వబడిన లేఖనాలలో తండ్రి మరియు కుమారుని నామములను బైబిల్ యొక్క మొదటి ప్రేరేపిత రచయితలచే వ్రాయబడిన విధంగా మేము పునరుద్ధరించాము. -డబ్ల్యుఎల్‌సి బృందం.