Nguni sinkondonyina amuntu ooyo ngwalwana
limwi?
“Amulibatamike,
amupakamane. Nkaambo Sinkondonyoko, Dyabolosi, uyaabweendeenda mbuli syuumbwa
wabutambo uuvwuluma, uyandaula muntu ngwatiimene buumbulu.” 1 Petulo 5:8.
Ninzi cinga camusunka
muntu?
“Pele umwi aumwi ulasunkwa kwiinda mukoongelezyegwa akucegwa azisusi zyakwe
mwini.” Jakobo 1:14
Hena kucili cintu
acimwi cisinkila muntu kusumpuka mumuuya?
“Mutanooyandi nyika
noziba zyintu zili munyika. Ikuti naa muntu kayanda nyika, nkokuti luyando lwa
Taata taluko pe mulinguwe.” 1 Johane 2:15.
Hena kuli muntu uukonzya kuzunda basinkondo aaba munguzu zyakwe mwini
alikke?
“Mebo ndili cisyiko
camasaansa, nywebo muli mitabi. Ooyo uukkala muli Ndime Andime muli Nguwe
ngotukamantene limwi, nguuzyala micelo minji; nkaambo tamukonzyi kucita cili
coonse kakunyina ndime.” Johane 15:5.
Ncinzi ciyandika kuli
ndiswe kuti basinkondo besu batasiki munsi lyesu?
“Amulinde akuzumanana
kupaila kutegwa mutanjili mumusunko. Moyo ncobeni ulapya pele mubili unyina nguzu.” Mateyo
26:41.
Nziindi zyongaye nzyotweelede kupaila?
“Amupaile cakutaleka.” 1
Batesalonika 5:17.
Nziindi zyili Davida
naakatambula nguzu akukulaizyigwa?
“Eelyo Ime ndiibaluka
Nduwe abulo bwangu, ndatonkomana kuyeeya Nduwe muziga zyabusiku.”
Intembauzyo 63:6.
Wakaamba nzi
cijatikizya muntu ooyo wakalelekedwe ncobeni?
“Kuyandisya kwakwe
mulawo wa Yahuwah; alimwi mumulawo Wakwe walo ulatonkomana
kuyeeya masikati amasiku.” Intembauzyo 1:2.
Hena ooku kubaa ciimo
camusyobo ooyu mumizeezo inga camukatazya muntu ooyo uumuyanda ncobeni Yahuwah?
“Kuyeeya Nguwe kwangu
kuni kulweela.” Intembauzyo 104:34.
Nciindi cilamfu buti
muntu mbwayelede kuba muciimo cakupaila boobu?
“Amukondwe lyoonse.
Amupaile cakutaleka.” 1 Batesalonika 5:16, 17.
Mulimo nzi wabaabo
bakkala muciindi cakuboola kwa Yahuwah nokulangilwa?
“Kamucenjela, amulangile, amupakamane,
akupaila: nkaambo tamuzyi ciindi cibikkidwe nociyoosika. . .Aboobo
amulangile, nkaambo tamuzyi Simalelo mukamwini ŋanda naboola,
naa uyooboola kumangolezya naa akati kamasiku naa kubucedo naa mafwumofwumo,
kutegwa asika cakutayeeyelwa, atamujani muloona. Pele ncondimwaambila, ndaambila
boonse kuti: Amulangile.” Maako 13:33-37.
Mbuli kuboola kwa
Simalelo mbokuyaa kuswena, ninzi cipa kuti mulimo wakulangila akupaila uyandike
kapati?
“Akaambo kaceeci amusekelele, nywebo nomajulu andinywe nomukkala mulingawo!
Maawe kunyika alimwi akulwizi! nkaambo Diabolosi wamuselukila abukali
bupati, mbwaanga ulizyi kuti ujisi buyo kaindi kaniini.” Ciyubunuzyo 12:12.
Hena kuciindi eeco tunooli aalugwasyo
loonse ndotuyanda kuti tuzunde basinkondoma?
“Mubuzuba oobo
tamukandibuzyi mubuzyo uuli woonse. Ncobeni ndimwaambila kuti, kufumbwa
cintu ncimwamulomba Taata muzina Lyangu, Walo uyoomupa ncico.” Johane
16:23.
Kuti lugwasyo
talusiki muntu nalomba ciindi citaanzi, ninzi ncayelede kucita?
“Aboobo sena Yahuwah
takaboni kuti basale bakwe bamukwiilila Walo isikati amasiku bakoswedwa
cabululami makani nokuba kuti ulabakkazyikila moyo? Ndimwaambila kuti: Uyoobona
kuti bakoswedwa makani cabululami kufwambaana. Nokuba boobo, Mwana wamuntu
aakuboola, sena masimpe uyoolujana lusyomo luli boobu anyika?” Luka 18:7, 8 “Amumulinde
Yahuwah: amubaa camba, alimwi Walo uyoopa nguzu kumoyo wako: Ime ndakwaambila
kuti, kolinda Yahuwah.” Intembauzyo 27:14.
Ncisyomyo nzi
cisyomezyedwe baabo bajanwa kabalangila eelyo Yahushua naboola?
“Balilelekedwe babelesi
aabo Simalelo Walo asika mbatiijane balalindila: ncobeni Ime ndimwaambila kuti,
Uyoosama cisani cakukutaukila akubakkazyika kuti
balye alimwi uyooboola akubakutaukila.” Luka 12:37.
