|
Eeci cibalo tacili ca WLC. Eelyo notubelesya zilembedwe aabalembi balaanze lya nkamu, tusimba buyo zyeezyo zyeendelana 100% a Bbaibbele a lusyomo lwesu cino ciindi munkamu ya WLC. Aboobo eezyo zibalo inga zyalanganyigwa kuti nzya nkamu ya WLC. Twakalelekwa kapati amulimo wabalanda ba Yahuwah banjaanji. Pele tatukulwaizyi ndinywe nobeenzuma kutalika kubala zyaalembwa abantu aabo. Eezyo nzibaalemba, twakazigwisya mumalembe eesu nkaambo kanjaanji zililubide akubaa tumpenda. Cintu cuusisya ncakuti tucilangaula mbungano yamilimo iitakwe kampenda. Ikuti konyandidwe nkaambo ka [zibalo/milumbe] iitali ya WLC, kobikkila maanu ku Tusimpi 4:18. Kuteelela kwesu nkwakuti kasimpe Kakwe kalazyokoloka, eelyo mumuni nuuyaa kumwesya munzila yesu. Tulakayandisya kasimpe kwiinda buumi, nkanko tulavwuntauzya kufumbwa nkokakonzya kujanwa. |
Hena Yahushua ngo “Kristu” mu Bbaibbele alikke na? Bunji bwabantu inga baingula cakusinizya kuti, “Inzya!” Nokuba boobo, bwiinguzi bululeme mbwakuti PEEPE. Yahushua tali Kristu alikke waalibonya mu Bbaibbele.
Bikkila maanu misyobo yakutaanguna oomo Mangwalo mwaakalembedwe, nkokuti, CiHebulayo, CiAlamu a CiGiliki. Kuli mabala amwi aatakasandululwa pele akalembululwa. Ibbala lyakuti “Messiah” ndimwi akataa yaayo, lizyila kubbala lya CiHebulayo lyakuti Mashiach. Mu CiGiliki lilembwa kuti Christos. Ino kuti Messiah naa Kristu nkwaamba nzi? Caambilizya muntu umwi wakananikwa nokuba kusalwa aa Yahuwah kuti abe muleli, mwami (1 Bami 2:10-12). Aboobo, mu Bbaibbele kuli ba “messiahs” banji.
Njeeyi imwi mikonzyanyo yabo:
- Mupaizi wa tempele (BaLevi. 4:3, 6, 16; 6:22)
- Bamatata (Intembauzyo. 105:15; 1 Makani. 16:22)
- Mwami Saulu (1 Samuyele, 12:3, 5; 24:6, 10; 26:9, 11, 16, 23; 2 Samuele. 1:14, 16, 21)
- Mwami Davida (2 Samuyele. 19:21; 22:51; 23:1; Intembauzyo. 18:50; 20:6; 28:8);
- Mwami Solomoni, ciindi comwe mu (2 Makani. 6:42) DC
- Mwami sikukomba mituni Cyrus (Izaya. 45:1)
- Messiah, wakumbelaa mazuba (1 Samuyele. 2:10, 35; Intembauzyo. 2:2; 89:51; 132:10, 17; Daniyele. 9:25-26; Habakuku. 3:13)
Mbuli mbomunga mwabona, kwakali ba “kristu” banjaanji aabo bakasolweda Yahushua, pele walo ngo “Kristu” wamacaalizyo. Mutwe wacuuno wakuti “Messiah” tuukonzyi kwiiminina Yahuwah Lwakwe kumugama, nkaambo kakuti Messiah naa Kristu (uunanikidwe) mutumwa wa Yahuwah Wamasimpe Omwe (Johane 17:3).
Ono mbwaanga ngo Messiah wamacaalizyo wakasyomezyegwa, Yahushua Mushinshimi, Mupaizi, alimwi Mwami. Cili boobo nkaambo kakuti Yahuwah Taata nguwaamunanika atalaa boonse aabo bakamusolweda, nkokuti, “balongwenyina” BaHebulayo. 1:9).
Mukukosozya makani, Yahushua ngo muleli ngwaakasala Yahuwah kuti akalele nyika. Yahushua ngo (Kristu) wa Yahuwah (Luuka 9:20), Mwami wanyika iiciboola, ya Bulelo bwa Yahuwah munyika, oobo buyoosimpwa aakulibonya Yahushua kuzwa kujulu.
Nkakaambo keni aaka Yahushua ncatulailila kuti katulomba abuzuba kuti busike Bulelo bwa Yahuwah Wisi wakwe (Mateyu. 6:10). Eeco ciyooba ciindi cikosozya musela uusofweede uulelwa aa Saatani akuba matalikilo aamusela uuteeli uuciboola ooyo uunoozwide luumuno abululami.
Eeci cibalo citali ca-WLC cakalembwa aaba Yasser Gaita
Twakagwisya mucibalo citaanzi mazina aabakomba mituni ngobayita Taata a Mwana, akubikka mucibaka cangawo mazina mataanzi ngubaapedwe. Kuyungizya waawo twakajokolosya mutumpango ntotulembulude akubikka mazina aa Taata a Mwana, mbuli mbwaakalembedwe kutaanguna abalembi bamu Bbaibbele bakayoyelwa moza. Nkamu ya-WLC
