Mainza
nceciindi cibotu loko camwaka kubantu banji. Mazuba aazwide kumweka zuba; nyika
, niisyuuka abuumi bupya.. Maluba, zisamu zisyuuka, twana twabanyama: zyoonse
zilangika aanga zyaambilizya kuti lino mupeyo uutontola mulamfu wainda.

Kwiina
cilengwa ca Mainza cimbi cizwide kusekelela buumi bupya mbuli Isita. Kuzwa
kutwana twabanyama, kuya kumayi aa Isita akuweza mayi ciindi ca Isita, kusikila
kuzicitwa mu Nsondo nolipasuka zuba azimwi zinjaanji, Isita ncilengwa ciyandwa
abuleya.

Nsondo
ya Isita ncecintu cipati cibonya mwaka wabukombi bwaantangalala bwa baKatolika
baRoma eelyo nobasekelela kubuka kwa Jeesu Kristu kuzwa kubafu.

Kuzwa
mu Nkatikisima yabo:

Isita
teesyi buyo pobwe akati kaamwi, pele ndi “Pobwe lya mapobwe,” “iKulemenena
kwakulemenena,” mbuli buyo Ukkalisiti mbwali “ Sakalamenti lya masakalamenti”
(iSakalamenti Lipati).

Athanasius musaante wiita Isita kuti “ Nsondo
Mpati” alimwi mbunga zyabupaizi zyakujwe ziita Mvwiki Isetekene kuti “Mvwiki
Mpati.” Maseseke aaKubuka kuzwa kubafu, mwalo Kristu mwaakasyodola lufu . . .
.(Catechism of
the Catholic Church, Part 2,
Sec. 1, Chapter 2, Article 1, #1169.)

Matalikilo
aa Isita, nokubaboobo, ayubununa kuti ukunkulikila kuzwa kubukombi bwa zilengwa
leza bwansiku loko. Kaindi kasyoonto kwiinda zambangulwe lya meenda, Nimrod
wakainduluka kutalisya kukomba mituni munyika. Naakafwa, Nimrod wakasumpulwa
mbuli leza wazuba mutaanzi. Mukaintu wakwe Semiramus, wakaitwa kuti “mwami
mukaintu wajulu”. Nzubo zinjaanji zyakaya kumbele kukomba mituni yabakomba
zilengwa leza bataanzi mumazina aayindene. Kubana Egipita , Semiramus wakali
Isis. Kubana Bbabbuloni wakali Beltis, kweelanya aleza, Bel. Kubana Kkenaani
wakali Astarte. Bana Siliya bakamwiita kuti Ishtar.

Kukomba
baleza bakaintu kwaajetene aamasabe aakukomba mituni mukubamba mazyalane. Eeyi
micito isofwaazya yakacitwa abana Isilayeli nibakali mubuzangi. Yahuwah
wakasalazya akukakasya muna Isilayeli uli oonse kusangana mumapobwe aabakomba
zilengwa leza.

“Hena
tamubwene nzyobacita muminzi ya Juuda amumigwagwa ya Jerusalema? Bana batebba
nkuni, bamawisi bakutula mulilo, alimwi bamakaintu bakanda busu, kuti babambile
tunkwa kumwami mukaintu wajulu; alimwi batilila zyaabilo zyakunywa kubaleza
bamwi, kuti batalisye Ndime kunyema.” (Jeremiya 7:17-18, NKJV)

“Alimwi Wakati
kuli ndime, ‘Cenguluka alimwi, ubone zisesemyo zipati loko nzyobacita.’ Mpoonya
wakandileta kumulyango wakunyika lya . . . ŋanda ya [Yahuwah]; mukutyompokelwa
kwangu, bamakaintu bakalikkede kuya kaboomoka Tammuzi.” (Ezekiya 8:13-14, NKJV)

Isita wa mazubaano tuukwe cibeela mubukombi
busalala bwa Julu. Zyoonse zilengwa zyawo nzyabukombi bwa zilengwa
leza.

• Tusulwe
  amayi alambidwe misyobomisyobo ayiminina luzyalano.
• Tunkwa
  tweengedwe mpanda twakali “tunkwa” twaabilwa mwami mukaintu wajulu.
• Mazuba
  aali makumi one aakoomoka Tammuz lino ngamazuba aali makumi one aa Lenti
  aasikila a Isita.
• Zicitwa
  nolipasuka zuba zyakalikucitwa abapaizi bazilengwa leza mukulemekezya leza
  zuba.

Kusekelela
Isita takulemekezyi lufu akubuka kuzwa kubafu kwa Mufutuli. Kutola cibeela
mumicito yabakomba zilengwa leza nkulemekezya Saatani.Taakwe mulwi
wakuwiituluka mazina aabuna Kristu uunga wasalazya Isita kuzwa kubukombi
bwazilengwa leza nkuuzwa.

Isita
kwiinda kuba cintu cabukombi bwazilengwa leza ciinda kunyonganya ulicengeezya
kuba wa bunaKristu. Cintu ciyubilide kunze a ciwa ceebeka, Isita ncivwunisyo
atalaa kubeja kupati loko kwa ciindi coonse: kucinca kkalenda kwalo kusiside
buzuba bwini bwa kubuka kuzwa kubafu abwa Nsabata yini ya buzuba
bwaciloba.

Mbuli
myaka mboyali kuyaa kwiinda abana Kristu bataanzi kabafwa, kukomba zilengwa
leza kwakatalika kusofwaazya lusyomo lwakali kusalala aciindi cimwi. Cikombelo
caRoma, cilyato kunguzu zipati loko, cakayandaula nzila yakuyungizya lukwakwa
lwaco.

“Kutegwa
ajatanye Bakomba zilengwa leza aBuna Kristu, Roma, mbuli makanze aakwe lyoonse,
wakabikka nzila zyakuswaanya mapobwe abuna Kristu aaBukombi bwa zilengwa leza,
alimwi, kwiinda mukucinculula kkalenda cakupelenga, tiicakali cintu cikatazya
kujatanya maanza akataa buna Kristu – lino bwalo bwakabbide mukukomba mituni,
aBukombi bwa zilengwa leza, amunzila zinjaanji kuti bajatane mumaanza . . .
.Ooku kucinca kkalenda kwaatambulwa cakusekela kupati kujatikizya Isita
akuletelezya zinjaanji. Kwaaleta cikombelo antaamu yakusofwaala kumaninide
akubulilalyo lusyomo . . . .” (Alexander Hislop, The Two Babylons, pp.
105-106.)

Ooku
kucincwa kkalenda kwaacincilizya abuzuba bwakukomba. Eeci ncecizuminwa aba
Katolika ba Roma balo batondeka kuli ncico kuti ncitondezyo canguzu zyabo.

“Nsondo .
. . nkulenga  kumaninide kwa Cikombelo ca
Katolika.” (American Catholic Quarterly Review, January 1883)

“Basikuzazya
bayeeya kuti mulimo wabo kusetekanya Nsondo. Nkaambo nzi? Nkaambo Cikombelo ca
Katolika mbocibaambila kuti bacite oobo. Tabakwe akaambo kambi . . .Uutalisya
mulawo wa Nsondo . . . nciKombelo ca Katolika.” Ecclesiastical Review,
February 1914

Bishopo
wa Katolika umwi wakaindilizya mukwaamba kuti:

“Cikombelo
ca Katolika ncicaabamba mulawo ngotusetekanyila Nsondo. Cikombelo cakabamba
mulawo ooyu liya iBbaibbele kalilembedwe kale kaindi. Aboobo mulawo ooyu tuuli
muBbaibbele. Cikombelo ca Kat[olika] tiicakagwisya biyo Nsabata, pele
amapobwe oonse aabuJuuda.” (T. Enright, Bishop of St. Alphonsus Church, St.
Louis, Missouri, June, 1905, emphasis supplied.)

Pobwe
lyabana Israeli lyakakosolwa amulawo ooyu mukweengelela Isita lyakali lya Pasika.
Bana Kristu bataanzi boonse bakabamba mapobwe a Yahuwah mbuli mu baLevi 23.
Bana Kristu bakageme kuzilengwa leza bakacili kuyanda kusekelela Isita liya
banaKristu baapositolo, kabacijete lusyomo lusalala, kabacibamba pobwe lya
Pasika.

“Kuzwa
kumusela wamyaanda yobile yamyaka Kazyedwe Mufutuli kwakali kwiimpana mumizeezo
yabuzuba bwakusekelela Pasika (Isita) ciibalusyo cakupenga kwa Mufutuli (lufu,
kuzikkwa akubuka kuzwa kubafu). Mucito wansiku loko ulangika kuti wakali
wakubamba buzuba bwakkumi a wone (buzuba bwa Pasika), bwakkumi a osanwe,
bwakkumi acisambomwe bwamwezi  uutobezya mwezi kutabikkila maanu abuzuba
bwamvwiki akkalenda lina [Juliyasi] mpobusikila mumazuba aaya mwaka amwaka.
Bbishopo ba Roma, mukuyandisya kutalisya Nsondo kuti ibe pobwe, bakabikka
mulazyo wakuti kusekelela kwaamwaka kweelede kuba muli Bwasanu, Mujibelo, amu
Nsondo iitobela buzuba bwa kkumi awone bwa mwezi. . . .Ooku kuzwangana kwakasikila
myaanda yobile yamyaka, kusikila [Muleli] Constantine naakanjila akati
mucibeela caba Bbishopo ba Roma akukosozya nkamu imwi.” (Robert L. Odom,Sunday in Roman Paganism, p. 188, emphasis supplied.)

“Ooku
kukwelanakwelana kwakanyonganya zikombelo zyaku Asia muciindi ca Bbishopo wa
Roma Victor walo wakapenzya zikombelo eezi nkaambo kakutobela ‘buzangi bwa
buzuba bwa kkumi awone’ mbubakali kubwiita, mukwaamba pobwe lya Pasika. . . .
Buzuba bwa Isita mumazuba aazya tiibwakaciyeeme a kusanyangula kwa baJuuda”.(Grace
Amadon, Report of Committee, Part V, Sec. B., p. 17.)

Nceeci
cipati ncowiiminina Isita. Nsondo nciibambilwa kuti mbuzuba bwakukomba nkaambo
ka Isita Nsondo! Kwaambwa kuti mbobuzuba Mufutuli naakabusyigwa kuzwa
kubafu. Citobezya waawa, kwaambwa kuti buzuba busolweda Isita Nsondo,
Mujibelo, mbobuzuba bwa Nsabata ya ciloba.

BaJuuda
bamazubaano bakomba Mujibelo, kutali muNsabata yabuzuba bwaciloba ya Bbaibbele.
Nokubaboobo, basicikolo banaJuuda
balazumina kuti kkalenda libelesyegwa
sunu talikonzyene alyakabelesyedwe muziindi zya Bbaibbele:

“Mwezi
Mupya , aNsabata kumatalikilo zyakayeeme, alimwi ziciyeeme akuzinguluka kwa
mwezi.” (“Holidays,”  Universal Jewish
Encyclopedia, p. 410.)

BaJuuda
batondeka akupenzyegwa kunji kwaatobela Muswaangano waku Nicea mukubikka ambali
kusanyangula ciindi kwa baJuuda kuti nkakaambo ncobatacibelesyi kkalenda lya
Bbaibbele.

“Kuganta
mwezi mupya . . .kukonzya biyo kucitwa aba Sanhedrin. Muciindi ca Hillel Wabili
[myaanda yone katanazyalwa Mufutuli], . . . baRoma bakakasya cilengwa eeci.”
(“The Jewish Calendar; Changing the Calendar,” www.torah.org.)

Basicikolo
banaJuuda balizyi kuti buna Kristu bwakasiya matalikilo aabo amuBbaibbele liya
Isita wakukomba zilengwa leza niwakabikkwa mucibaka ca Pasika wakasimpe wini.

“Kumuswaangano
wa Nice [Nicea] cijatanya bunaKristu amatalikilo aabo cakakosolwa. Pobwe lya
Isita kusikila ino lyakasekeledwe ziindi zinji a Pasika waba Juuda, alimwi
kusekelelwa kwalyo mumazuba aasanyangulwa akugantwa aba [Sanhedrin] mu Judæa;
pele mumazuba aazya kusekelelwa kwalyo kwakali kunokuzandukide kkalenda
lyaba Juuda.

“[Muleli
Constantine wakati], ‘Taceeleli kuti pobwe lisetekene atalaa oonse litobele
zilengwa zyaba Juuda. Kuzwa ino tutabi ancotumvwana abantu bacima aaba;
Mufutuli wesu wakatutondezya nzila imbi. Inga kaciyakuba  cintu citufubaazya kuti baJuuda nibali
kukonzya kuluula kuti tatukonzyi kusekelela pobwe lya Pasika kakutakwe lugwasyo
lwamilawo (yakusanyangula [ciindi]) lwabo.’ “ (Heinrich Graetz, History of the
Jews, The Jewish Publication Society of America, Vol. II, pp. 563-564, emphasis
supplied.)

Masimpe
ngakuti, Isita ngwa kubeja kwini. Teesyi mbobuzuba Mufutuli naakabuka kuzwa
mucuumbwe nokuba Mujibelo kuti nje Nsabata yaBbaibbele. Isita kwa lyoonse
wakali mbuzuba bwabupaizi akusekelela mazyalane abasizilengwa leza. Wakabikkwa
mucibaaka ca pobwe lya Pasika lya Yahuwah kumuswaangano wa Nicæa mumyaanda
yamyaka yone liya Cikombelo ca Roma nicakayanda kubikka ambali kujana ciindi
kwaba Hebrayo.

Lino,
mumusela wamamanino uuno, kasimpe kaya kubambululwa.  Boonse bayanda kutondezya kwabo kulumba lufu
lwa Mufutuli bayoocita oobo mubuzuba mbwaakafwa: Pasika. Eeci cikonzya biyo
kujanwa kwiinda mukkalenda lya Kumalengelo. Kufumbwa kutobela kumbi nkupa
bulemu kuli Saatani, walo uulibikka mukukazya Julu.

Sunu
Ulakonzya kusala buzuba bwiiminina nzyosyoma: Pasika nokuba
Isita.

Ulakonzya
kusala singuzu ngoyanda kupa bulemu akukomba: Mufutuli nokuba sinkondonyina
Wakwe, Saatani.

Ulakonzya
kusala buzuba, bujanwa mukkalenda, ndyopeda kukomba.

Kusala nkukwako.