Mulilo Uutamani: Kasimpe Kapindaudwe Lino Koololwa

Mubuzyo:Hena aabo basulaika luzyalo lwa Yahuwah bayoosubulwa
cakuteenkela kwamisela iitamani kukabe kutamani?

Bwiinguzi
bwa Bbaibbele: Nee
kaka, peepe. Bayoo nyonyweedwa limwi. Basofweede
“bayookoswedwa” limwi kukabe kutamani. “Bayoonyonyookela
limwi”. Bayoo “wumpwa,” “bayoosyukutwa mulilo,”
alimwi “bayoojaigwa” amulilo cakuti “tabacini
kuliko." Bayoobaanga “kunyina pe anibakaliko."

Joobo 20:7,26	⁷Pele uusofweedeuyoolobelela kukabe kutamani mbubonya mbuli bufumba bwakwe, aabo bakamwizi bayoobuzya kuti, Ino uli kuli? . . .²⁶ Musinze woonse uyooyubila mumasena aakwe aamaseseke: Kufumbwa nzyaakajanide ziyoomumanina, amulilo uutafulidwi uyoomusyukuta, uyootenta zyoonse zili muŋanda yakwe..
Joobo 31:2	²Ino calikunooba caabilo nzi cizwa kuli Yahuwah wakujulu eeco ncaali kunoondipa, alwalo lukono lwangu noluli buti kuzwa kuli Singuzuzyoonse?³Sena malweza taababooleli bantu bataluleme, amapenzi sena taakasikili basizinyonyoono?
Intembauzyo 5:6	⁶Ulanyonyoona aabo babeja. Yahuwah, ulasesemwa silweeno uulaanyota yakutila bulowa.
Intembauzyo 9:5-6	⁵Webo watapatila bamasi, wabanyonyoona basofweede,waziminganya zina lyabo lyoonse kukabe kutamani. ⁶Ma! Basinkondoma bamaninina, banyonyooka cakutabonwa, minzi yabo waizyula; Taakwe pe uuciyooiyeeya.
Intembauzyo 9:17	¹⁷Basizibibayoopindulwa kuba civwunwe,[“mulilo uutamani= H7585: Shilo (cuumbwe)] . . . abamasi boonse bakaka Leza.
Intembauzyo 11:6	⁶Uyoobawisizya makala aamulilo uuyaka wamabwe aasalufa, ayoowa mbuli mvwula aluuwo luungisya: eeci nceciyooba cisubulo cibeelede.
Intembauzyo 21:9	⁹Uyoobasowela mubbibi lyamulilo muciindi waakulibonya mubukali Bwako; Yahuwah uyoobakwempula mubukali Bwakwe, Alimwi uyoobasyukutya amulilo wakwe.
Intembauzyo 28:5	⁵Nkaambo tababikki myoyo kumilimo ya Mwami Yahuwah, nikuba kuncito zyamaanza Aakwe, Walo uyoobanyonyoona, takababukulusyi limbi pe.
Intembauzyo 37:9-11	⁹Nkaambobayoonyonyoonwa basofweede; Pele bayookona nyika aabo balindila Mwami Yahuwah.¹⁰Kwainda kaindi kaniini buyo, basofweede tabacinooliwo; tabakajaniki nikuba kuti ukabalangaule mubusena bwabo, pele kucinoonyina busena bwabo.¹¹Pele babombede myoyo bayookona nyika, bayookkala akulikkomanisya muluumuno akukupuka. Cinyonyoono ababisyi bayoonyonyoonwa mumulilo uuvwilima atalaa nyika eeyi: " Pele majulu anyika, aayo ngotubona ciindi cino, aakabambwa ajwi ndeenya, ayobwedelwa mulilo kusikila buzuba bwalubeta akunyonyooka ooko kuboolela bantu batakwe mulemeko basikasampu-sampu." (2 Petulo 3:7) Babombe mumyoyo bayookona Nyika Mpya eeyo Mwami Yahuwah njayoobamba: “Nkaambo mbubonya mbuli julu lipya anyika mpya, eeyo Ime njeyoolenga mboziyookkalilila kumbele lyangu, mbwaamba Mwami Yahuwah, mbubonya oobo zina lyangu abalunyungu lwangu mbobayookkalilila.” Izaya 66:22)
Intembauzyo 37:20	²⁰ Pele basofweede abasizibi bayooloba; basinkondonyina a Mwami Yahuwah bayookokonyana mbuli maluba, bayoozimaana.Bayooyangalala akuunduluka mu busi.
Intembauzyo 37:34-38	³⁴Kobamba nzila zya Mwami Yahuwah, akulangila muli Nguwe, walo uyookulemeka webo akukukonya nyika; unooyoolibwenene kacicitika eeco ciindi basizibi baakusubulwa.³⁵Ndakabona sizibi ulaalunya kalisumpula, kalisumpula mbuli mulombe waku Lebanoni. ³⁶Pele wakazaya alimwi taakaciliko pe; Ncobeni Ime ndakamulangaula, pele ndakajana kuti taciwo, nindakamulangaula nsiindaamubona pe.³⁷Langisisya muntu uutakwe kampenda, bonesya muntu uuluzi; uyoojana kuti siluumuno nguujana coolwe kumamanino.³⁸Pele basofweede uyoobanyonyoona antoomwe boonse; kunyonyweedwa limwi ngamamanino aabo.
Intembauzyo 52:1,5	¹Nkaambo nzi webo oosofweede ncolidunda mubusofwaazi, Webo omuntu wanguzu?. . .⁵ Mwami uyookujaya mbweenya buya ayebo kukabe kutamani; Walo uyookutola kooko, akukutapaula kuzwa mucikkalilo cako, Alimwi uyookudadula kuzwa munyika yabazumi. Mwami Leza Singuzuzyoonse, ulaita nyika yoonse, ulaiita kuzwa kupaswida zuba kuyoosikila nkolibbilila. Kuzwa ku Ziyoni munzi wakwe weebeka, Leza ulabala. Mbwaasika Leza wesu takooumuna buyo pe, kumbele lyakwe kuli mulilo uusyukutya, kubbubbula guwo mumbali lyakwe. Uloompolola majulu anyika, uloompolola kuti abeteke bantu bakwe. Naompolola ulati, “Nobasalali bangu amubungane, nywebo nomwakapanga cizuminano andime muzipaizyo.”
Intembauzyo 55:23	²³Mudindi lyalunyonyooko moyoowaalila babyaabi, O Mwami Yahuwah, myaka yabaabo batila bulowa akucenga iyootwentana, iyootwentana ikabe cisela, pele mebo nsyoma muli Nduwe.
Intembauzyo 59:13	¹³Cabukali ubanyonyoone balo,ubanyonyoone kuti batakajaniki limbi. Eelyo kuyoozibwa munyika yoonse kuti, Elohimu nguulela Jakobo kusikila kumagolelo aanyika.
Intembauzyo 73:18	¹⁸ Kwaamba masimpe ubabikka abutezi; Webo ulabawisya akubanyonyoona.
Intembauzyo 73:27	²⁷ Boonse aabo batantamukide Nduwe bayooboola;Webo ulabanyonyoona boonse batasyomeki kuli Nduwe bakusulaikila kuya kubumambi.
Intembauzyo 83:14,17	¹⁴ Batande mbuli mulilo mbuusyukutya cisaka, batande mbuli kumyala kwamulilo wuumpa zilundu. ¹⁷Abausigwe nsoni bagambwe,abalobe kabafwide bweeme.
Intembauzyo 92:7	⁷ Nikuba kuti basizibi balamena mbuli bwizu, nikuba kuti boonse bacita zibi balafwefwema, pele mbambabo aabo bayoonyonyoonwa mane kukabe kutamani.
Intembauzyo 92:9	⁹Masimpe, basinkondonyoko O Yahuwah, masimpe, basinkondonyoko bayoonyonyoonwa, bacita zibi bayoomwaisigwa.
Intembauzyo 140:10	¹⁰ Makala aanyeka abawide, basowelwe mumulilo, abasowelwe mumalindi aantimba cakuti batakabuki limbi pe.
Intembauzyo 145:20	²⁰ Boonse aabo bamuyanda, Mwami Yahuwah ulabavwuna: pele basizibi boonseulabanyonyoona.
Tusimpi 2:22	²²Pele basizibi bayoonyonyoonwa munyika, batasyomeki bayoodadulwa akugwisigwa muli njiyo.
Tusimpi 5:11	¹¹Kumamanino aabuumi bwanu muyootongela, Eelyo mwaakutyoka misana, nguzu anyama yamubili zyamumanina. ¹²Muyooti, “Maawe! ndaakaka kwaambilwa, moyo wangu wakasampaula lulayo.”
Tusimpi 10:25	²⁵ Ciindi guwo nolyuungisya basizibi balatolwa, pele baluleme balaima nji lyoonse alyoonse.
Tusimpi 10:28-30	²⁸Lulangilo lwabaluleme luyoobaletela kukondwa, pele lulangilo lwabasizibi nkulangila kunyonyoonwa.²⁹Nzila ya Mwami Yahuwah ncikwabilizyo kuli baabo baluleme, pele kuli baabo bacita zibi lunyonyooko luyoosikila mbabo.³⁰Muntu uululeme takazyulwi, pele sizibi takakkalilili munyika. Bikkila maanu aawa: Basofweede abateempwi bayoonyonyoonwa; bayoolobela limwi akufwa kukabe kutamani. Tabakiikoni Nyika Mpya eeyo Yahuwah njayoolenga. Kwaambilizya baluleme, Yahuwah waamba kuti, "Mbubonya mbuli julu pya anyika eeyo njooyoolenga mboziyookkalilila kunembo lyangu, mbwaamba Mwami Yahuwah, mbubonya oobo zina lyangu abalunyungu lwangu mbobayookkalilila. (Izaya 66:22)
Tusimpi 12:7	⁷ Bantu basizibi balaatulwa, tabacibonwi limbi, pele ŋanda yabaluleme ilaima nji.
Tusimpi 13:13	¹³ Ooyo uusampaula lulayo uyoonyonyoonwa, Pele ooyo uuswiilila mulawo uyoolumbulwa.
*Izaya 1:28,31	²⁸Pele kunyonyoonwa kwa bazangi abasizibi kuyoobeda aciindi comwe, aabo basulaika Mwami Yahuwah bayooloba. . .³¹Mbubonya mbuli butonje mbobunga bwatentwa ansasi yamulilo, mbubonya oobo abalo basintanze mbubayoonyonyoonwa amilimo yabo mibi beni. Nkabela taakwe muntu uutikakonzye kuzima mulilo wa lunyonyooko lwabo. Bikkila maanu aawa: Basofweede bayoonynyoonwa amulilo, bayoosyukutwa amulilo. “Kunyina pe uutikakonzye kuzima” mulilo ooyu, nkaambo ‘tuuzimiki.” (Mateyo 3:12; Luka 3:17) Kuzima mulilo caamba “kulesya kuvwilima.” Mumabala amwi, kunyina pe muntu uutikakonzye kuzima mulilo ooyu. Tuukazimi kusikila zyoonse zyikonzya kuyaka akuumpwa mumulilo ooyo zyikamanine kuumpwa akuvwilima. Basofweede bayooumpwa ncobeni kusikila bakabe mbuli twe. “Kasimpe amulange, buzuba bulasika, bunooyoopya mbuli bbibi lyamulilo. Boonse balisumpula abasimucita zibi boonse bayooba mbuli bwizu mumulilo, kasimpe buzuba oobo buboola buyoobatenta amulilo, mbwaamba Mwami Yahuwah Singuzuzyoonse. Taakwe muyanda nuuba mutabi wabo ngobayoosiilwa pe. ²Pele nywebo nomulemeka zina Lyangu, zuba lyabululami liyoopasuka kalijisi amumuni uuponya. Muyoozwida anze akutambala mbuli boombe nobazwa mucimpati. ³Mubuzuba mbwendiyoocita zintu eezi muyoolyatauka babi, bayooba mbuli twe kutusindi twanu, mbwaamba Mwami Yahuwah Singuzuzyoonse. Malakayi 4:1-3)
Izaya 5:24	²⁴Mbuli mulilombuunyesyela lyo misunta yabwizu, ambuli bwizu buyumu mbobuvwilima mumulilo, mbubonya oobo miyanda yabo iyoobolela limwi. Maluba-luba aabo ayoopepuluka mbuli kasuko, nkaambo bakaka mulawo wa Mwami Yahuwah wamakamu, alimwi akusampaula majwi aa Uusalala wa Isilayeli.
* Izaya 10:16-18	¹⁶ Lino Mwami Yahuwah wamakamu, uyootumina bulwazi oobo buzoocisa zinkuntumina zyabasilumamba bakwe. Kunembo lyabulemu Bwakwe, uuyookutula mulilo uutazimiki mumibili yabo. ¹⁷Yahuwah, nguwe mumuni wa Isilayeli uyooba ngomulilo. Yahuwah Uusalala wa Isilayeli uyooba mabanga-banga aamulilo aayookonzya kutenta akunyonyoonena limwi zyoonse mubuzuba bomwe buyo, naaba mamvwa azisonso. ¹⁸Zisaka Zyakwe zyeebelwa amyuunda yambolezi Yakwe, zyoonse antoomwe muya amubili; Alimwi yoonse iyoosyukuta amulilo mbuli bumana muntuuufuluka kuciswa. Bikkila maanu aawa: Kwaambilizya kunyonyoonwa kwalumamba lwaku Siliya; Aawa tujana cishinshimi kacaambilizya mamanino aabasofweede eelyo lubeta lokwa Yahuwah lwaakukosozya makani.
Izaya 10:25	²⁵Mukaindi kaniini buyo ndilaleka kumunyemena, bukali Bwangu bulabukila mbabo kuti banyonyoonwe.
Izaya 13:9	⁹Amubone, buzuba bwa Mwami Yahuwah bulasika, mbuzuba bwaluciso, mbuzuba bwabukali, nkabela basizibi boonse bayoonyonyoonwa. Nyika iyoosyaala buyo kiinyina acintu; Alimwi Walo uyoonyonyweeda limwi babisyi kuzwa muli njiyo..
Izaya 26:11	¹¹O Mwami Yahuwah, eelyo janza Lyako liliimikide, pele tabaliboni pe. Pele batondezye luyando lwako kuti bausigwe nsoni mukuyandisya kutembaulwa abantu; Inzya mulilo ooyo uubambilidwe basinkondonyokoubasyukute.
Izaya 26:14	¹⁴Lino balifwide, tabaciponi, bantu aabo bafwide tabakakonzyi kubuka pe. Wakabasubula akubanyonyoona, wakacita kuti kabataciyeeyegwi pe.
Izaya 29:6	⁶ Mwami Yahuwah Singuzuzyoonse uyooboola amabbalu-bbalu, mukuzungaana kwanyika, amuzunzumina mupati, akubbubbulisya guwo pati abbalabala lyamulilo uusyukuta.
Izaya 30:27,30	²⁷Amubone zina lya Mwami Yahuwah lyazwida kulaale, Lilavwilima akuuntumuka busi butondezya kunyema kwakwe. Mukuli wakwe ulalema alimwi ngwabukali. Mukanwa Lyakwe muzwide kukalala, alimwi mulaka wakwe uli mbuli mulilo uusyukuta. ³⁰Mwami Yahuwah uyoolekela muntu umwi aumwi kuti amvwe jwi lyakwe, mukukalala. Kuyooba kuvwilima kwamulilo amabbalu-bbalu, civwulamabwe amvula yamuyoba.
Izaya 34:1-4	¹Amuboole aafwiifwi nywebo nobantu bamasi oonse muswiilile! Amuteye matwi muswiilile nywebo nobantu. Nyika kiswiilila azyalo azyoonse zili mulinjiyo, nyika yoonse mbwiizulwa azyoonse zyeendeenda mulinjiyo.²Mwami Yahuwah wanyemena masi oonse, alimwi bukali Bwakwe bulaatalaa ampi zyabo. Uyoobanyonyweeda limwi, uyoobaaba kuti bajaigwe. ³Beenzinyina bajaidwe basowelwa anze, mitumba yabo iyoonunka, zilundu ziyoosalala bulowa bwabo. ^4Zyoonse anyenyezi zyakujulu ziyooenzemuka, julu liyoovwungana mbuli bbuku, makamu aamweenya wakujulu ayooloka, mbuli matu aakayuma aamusaansa, ziyooba mbuli nkuyu zinyanide ziloka kuzwa mumukuyu. Bukali bwa Mwanaambelele: Langa Revelation 6:14-17.
Izaya 47:14	¹⁴Kasimpe bayooba mbuli bungu, mulilo uyoobatenta. Tabakonzyi kulifutula, kuzwa kumabanga-banga aamulilo uuvwilima. Ooyo tuuli mulilo wamakala wakulikasaazya, tuuli mulilo wakuyota pe
Ezekiya 18:4	⁴ Muntu uuli woonse nguWangu; nkokuti muya wawisi antoomwe amuya wamwanaakwe mulombe, boonse mbibangu. Muntu ooyo uubisya nguyoofwa.
*Obadiya 1:15-16	¹⁵ Nkaambo buzuba bwa Mwami Yahuwah buli aafwiifwi kubasikila aabo batamuzyi Yahuwah kuti abeteke misyobo yoonse, mbubonya mbuli mbumwakali kucita, ciyoocitika akulindinywe, milimo yanu iyoomupilukila. ¹⁶Mbubonya mbuli mbumwakali kunywida acilundu cangu cisalala, mbubonya oobo bamasi bayoonywida mpawo cakutaleka, bayoonywa cisubulo cakunywida limwi, mane bakazimaane mbuli kuti kunyina nibakaliko.
Nahamu 1:9-10	⁹ Ncinzi ncomulyeekezya kucitila Mwami Yahuwah? Kufumbwa eezyo nzyobakanza Mwami Yahuwah uyoozimanizya. Mapenzi taakabooli lwabili. ¹⁰Bayoopatila antoomwe mbuli mumamvwa, alimwi eelyo nobaciyookoledwe waini wabo mbuli basibukoko, bayoosyukutwa mbuli zifumpu ziyumu. Bikkila maanu aawa: Kubikkilizya kwaamba kuti basofweede bayoosyukutwa amulilo, kuli cimwi cikondelezya caambwa mukampango aaka cijatikizya mazuba aazya kumbele: “Kupenzyegwa takukabooli kabili.” Ooku nkokwaamba kuti zinyonyoono, buzangi, abuumba boonse buboolela muli ncico buyoomanizyigwa lyoonse kukabe kutamani, kumanina lyo cakutainduluka kuboola alimwi! AatembaulweYahuwah!
Zekaliya 14:3,4,9,11-12	³ Mpawo Mwami Yahuwah uyooinka kuti akalwane misyobo eeyo mbubonya mbuli mbwaakalwana mubuzuba bwankondo. ⁴Mubuzuba oobo maulu aakwe ayoolyata acilundu ca Maoliva cili kujwe lya Jelusalema, cilundu ca Maoliva eeci ciyooandaanyizigwa muzibeela zyobilo kuzwa kujwe kuyoosika kumbo, ciyoopanga kkuti pati, cisela cimwi cacilundu ciyooswena kunyika, cisela cimwi cacilundu ciyooswena kumusanza. ⁵Mwaakutija muyooinda mukkuti lyacilundu cangu nkaambo linooyoosika ku Azeli. Muyootija mbuli mbomwakatija kuzungaana kwanyika mumazuba aakulela kwa Uziya mwami wa Juda. Aawo Mwami Yahuwah wangu uyooboola antoomwe abasalali boonse.⁶Mubuzuba oobo takukabi mumuni nokuba kutontola nociba caanda. ⁷Buyooba buzuba bulibedelede takukabi sikati naaba masiku, mbuzuba buzizilwe ku Mwami Leza. Lyaakuba kumangolezya kuyooba mumuni. ⁸Mubuzuba oobo maanzi aapa buumi ayookunka kuzwa mu Jelusalema, cisela cawo ciyookunkila kulwizi lwakujwe, cisela cimwi cawo ciyookunkila kulwizi kumbo mainza amupeyo. ⁹Mwami Yahuwah nguuyoolela nyika yoonse. Mubuzuba oobo kuyooba Mwami Yahuwah omwe, zina lyakwe lilikke ndelinooambwa.¹⁰Nyika yoonse kuzwa ku Geba kuyoosika ku Limoni kumusanza lya Jelusalema iyooba mbuli Alaba cibanda. Pele munzi wa Jelusalema uyoosumpulwa akusyaala mubusena bwawo kuzwa kumulyango wa Benjamini mane kuyoosika kubusena bwamulyango wakumusanza, kuzwa kuŋanda ndamfu ya Hananeli kuyoosika kuzikandilo zyawaini. ¹¹Nyika eeyi inookkalwa bantu, tiikanyonyoonwi limbi pe. Munzi wa Jelusalema unooliibide.¹²Nceeci cuumo eeco Mwami Yahuwah ncayooumya misyobo yoonse eeyo iilwana Jelusalema. Mibili yabantu aabo iyoobola kabacikonzya kwiimikila, meso aabo ayoobolela muzikoye zyabo, ayalo milaka yabo iyoobolela mukanwa lyabo.
*Malakayi 4:1-3	¹ Amulange,kasimpe oobo buzuba bulasika, mbuzuba bunooyoopya mbuli bbibi lyamulilo. Boonse balisumpula abasimucita zibi boonse bayooba mbuli misunta yabwizu mumulilo, kasimpe buzuba oobo buboola buyoobatenta amulilo, mbwaamba Mwami Leza Singuzuzyoonse. Taakwe muyanda nuuba mutabi ngobayoosiilwa pe. ²Pele nywebo nomulemeka zina lyangu, zuba lyabululami liyoopasula kalijisi amumuni uuponya. Muyoozwida anze akutambala mbuli boombe nobazwa mucimpati. ³Mubuzuba mbwendiyoocita zintu eezi muyoolyatauka babi, nkaambo bayooba mbuli twe kutusindi twanu, mubuzuba oobo mbwendiyoocita zyintu zyoonse eezi, mbwaamba Mwami Leza Singuzuzyoonse.
Johani 3:16	¹⁶ Nkaambo mboobuya Yahuwah mbwaakabayandisisya bantu boonse bamunyika, wakatuma Mwanaakwe Simuzyalwa alikke, kuti kufumbwa uumusyoma atafwidilili, pele abe abuumi butamani. Bikkila maanu aawa: Kampango aaka kaamba kuti “kufwidilila” kutali “buumi bwakupenga butamani mukupenzyegwa." "Kufwidilila”: Kuzwa ku G575 akusikila kumamanino aa G3639; kumaninizya kujaila limwi (kuloba, nanka kusweeka), mubwini nokuba mukaambyo: – kujaya, kufwa, kusweeka, kupoila, kuloba. (Strong’s Concordance)
Baloma 6:23	²³Bulumbu bwazinyonyoono ndufu, pele caabilo cokwaYahuwah ncapa buyo mbuumi butamani muli Yahushua Kilisito Mwami wesu Bikkila maanu aawa: Aaka kampango kaamba kuti “bulumbu bwacinyonyoono ndufu." Aaka kampango takaambi kuti “bulumbu bwacinyonyoono mbuumi butamani bwakupenzyegwa, peepe.
Bafilipo 3:18-19	¹⁸ Lyoonse ndilamwaambila, alino ndiyanda kwiinduluka cakulila, kuti nkobali banji batondezya mubuumi bwabo kuti mbaasinkondonyina akukambauka kwakuti Kilisito wakatufwida aciingano. ¹⁹Kumamaninobayoonyonyoonwa nkaambo leza wabo nzintu zibotya mubili. Balisumpwida zeezyo nzibakeelede kufwida nsoni. Mizeezo yabo iili aazintu zyabuntunsi.
2 Batesalonika 1:8-9	⁸ Uyooboola amulilo uuvwilima akuzoosubula aabo batazi Yahuwah, abaabo bataswiilili Makani Mabotu aambilizya zya Mwami wesu Yahushua Uunanikidwe. ⁹Cisubulo cabo ncakutibayoonyonyoonwa akunyonyooka kutamani kuzwa kubusyu bwa Simalelo wesu. Bayootandwa kuzwa ku Mwami akubulemu bwakwe bwanguzu. Bikkila maanu aawa: Kampango aaka kaamba kuti "kunyonyoonwa kutamani," kutali "kupenzyegwa kutamani."
2 Petulo 2:9-12	⁹ Mwami Yahuwah ulizi mbwavwuna bamukomba kuzwa mumasunko, alimwi ulizi mbwaakabeteka bataluleme kuti bakasubulwe mubuzuba bwalubeta. ¹⁰Kwaambisya uyoosubula aabo beenda muzisusi zisofweede zyabuntunsi abaabo basampaula bulelo. Aaba balikankaizya, batanyoneki, batayoowi akusampaula balemekwa bakujulu. ¹¹Nibaba bangele babainda nguzu abupati tabaleti mulandu wakusampaula aabo balemekwa kumbele lya Yahuwah.¹²Pele aaba bantu bali mbuli banyama bamusyokwe baluma, batakwe maanu bakalengelwa kuti kabajatwa akujaigwa. Balasampaula zintu nzyobatazi. Nibanyonyoona bamwi boobo, abalobayoonyonyoonwa mbubonya mubusofwaazi bwabo.
*2 Petulo 3:7	⁷Pele Yahuwah amajwi ngoonya aaya ulibambide julu anyika nzyotubona sunu kuti azoozyuumpe amulilo. Ulizibambide kusikila buzuba mbwayoobeteka akunyonyoona bantu basikasampu-sampu. Bikkila maanu aawa: "Mulilo utamani" tuuyaki akuvwilima cino ciindi peepe. Eeyi nyika mpotwiimvwi cino ciindi njiiyooba mulilo uutamani uubbebbesya. Ooyu mulilo uyoonyesyela limwi Saatani, bangele bakwe, cinyonyoono, babisyi, alufu kukabe kutamani. Oolo ndolufu lwabili. (Revelation 2:11; 20:6; 20:14; 21:8) Cinyonyoono ciyookukwidwa limwi akumanizyilwa limwi cakuti tacikainduluki kuba kabili : "Ninzi nywebo ncomumuyeeyela Yahuwah? Uyoomanizya kufumbwa ncomumukanzila, kunyina kupenzya kuciyooba ciindi cabili pe." (Nahumu 1:9) Yahuwah uyoolengulula Nyika Mpya: "Nkaambo mbuli majulu mapya anyika mpya, eeyo Ime njeyoobamba, mbwiiyookkalilila kunembo Lyangu, mbwaamba Yahuwah, mbweenya alunyungu lwako, azina lyako mboliyookkalilila ." (Izaya 66:22)
Ciyubunuzyo 11:18	¹⁸ Bantu batakuzi bakakalala , lino ciindi casika cakutondezya bukali bwako, aciindi cakubetekwa kwabafu. Alimwi ciindi casika cakupa bulumbu kubabelesi bako, kubashinshimi akubasalali, abaabo balemeka zina lyako, baniini abapati. Ciindi casika cakutiunyonyoone aabo banyonyoona nyika.
Ciyubunuzyo 20:7-9	⁷ Lino myaka iili cuulu niyakamana, Saatani uyooangununwa kuzwa muntolongo, ⁸uyooinka kuyoocenga masi oonse aali muzyooko zyone zyanyika, nkokuti Gogi a Magogi. Saatani uyoobabunganya antoomwe kuti acite nkondo, banooli banji-banji cakuti bayooboneka mbuli musenga wankomwe yalwizi. ⁹Bakeenda munyika yoonse akuzinguluka cilawo cabasalali amunzi uuyandika.Pele mulilo wakaloka kuzwa kujulu kuli Yahuwah, wabasyukuta boonse. ¹⁰Eelyo Siluuni wakabacenga wakafusilwa mubbibi lyamulilo wamabwe aasalufa, oomo munyama amusinsimi mubeji mobakabede.

Nkukuli
kwakazwa muzeezo wakupenzyegwa kuteeli?

Lwiiyo
lwamulilo uuyaka kukabe kutamani oomo basweekede mobayoowaalilwa
akupenzyegwa kabafwide wakapegwa mpuwo acikombelo the
Roman Catholic Church (simamambe wa Ciyubunuzyo 17),
ooyo wakatambula lwiiyo oolo kuzwa ku Bagiliki abasimituni. Cikombelo
ca Katolika caku Loma cakajana kuti lwiiyo oolu lwakalaa mpindu
mumisela yaakatikati, nkaambo lwakaletela cikombelo buvwubi kwiinda
mukuulisya "zipego zyakulekelelwa zinyonyoono." Kunyina pe mu Mangwalo aawo mpocaamba kuti basweekede
bayoopenzyegwa kukabe kutamani. (For more on The
Roman Catholic Beast Power, see "Who
is the Beast in the Book of Revelation?")

Zintu
zitateelelwi kabotu (Click to Expand.)

Citamvwisyidwe
citaanzi #1

Izaya
66:24 – ²⁴ Eelyo bayoonyamuka akuyooinka
kuyoobona mitumba yabaabo bakali kundizangila, oomo mvwunyu
zyabo mozitafwi, alimwi mulilo muutazimi pe. Nkabela bayoosesemya
bantu boonse.

Maako
9:43-44 –⁴³ Nkaako kuti naa kuboko kwakulebya
kuti ubisye, ukukosole! Nkaambo nkubotu kuti ukanjile mubuumi
butamani koli cilema kwiinda kuwaalwa mubbibi lyamulilo uutamani
[G1067: Gehenna] kojisi maboko obilo mumulilo uutakazimwi.⁴⁴Mwalo oomo mvwunyu zyabo mozitafwi, alimwi
mulilo muutazimi.

Bwiinguzi/
Busanduluzi: Ootu tumpango tobile tujisi makani aakopa
mizeezo ntotutateelelwi kabotu: (1) "Mvwunyu zyabo tazyikafwi."
(2) "Nanka mulilo wabo tuukazimwi."

"Mvwunya
zyabo tazyikafwi."

Ibbala
lisanduludwe kuti “mulilo utamani” muli Maako 9:43 ndibbala
“gehenna (G1067) Gehenna, wiitwa kuti “Musena wa Hinomu” mu
Cizuminano Cakale, wakali musena mulamfu kuyaansi, usyaankene
kumusanza lyamunzi wa Jelusalema ooko kwalo, nikwaatalisyigwa mililo
yakuumpila bamaleza bamwami Ahazi, abalo bama Juuda bakomba mituni
bakatalika kutuuzya bana babo kuli Moloki. Ooko mibili yabanyama
bafwide atombe lizwa mumunzi nkolyakali kusowelwa. Ooko mililo yakali
kuyaka lyoonse, alimwi mvwunyu zyakali kulya zifwide. Eeci cakali
mukonzyanyo wakujailwa limwi. Yahushua wakali kubelesya mukonzyanyo
ooyo kuti atondezye mamanino eeni aabasofweede.

Bikkila
maanu aawa kuti tiili miiya iitakwe mibili eeyo iiligwa amvwunyu pe,
pele "mitunta," (Izaya 66:24) naa mibili iifwide yabantu.
Boonse aabo bayoosowelwa muzyiba lyamulilo bayoonjila oomo kabalaa
mibili iikkwene (Maako 9:43-45; Mateyo 5: 30). Izaya 51:8
waamba kuti “mvwunyu ziyoobalya mbuli boya bwambelele,”
caambilizya kuti bayooligwa cakumaninina, alimwi akuleka kuba ko.

Mvwunyu
/ Zyuumba eezyo zitokonya akulya mubili uufwide tazifwi pe; zilacinca
akukomena akukola, mpoonya azyalo zyilazyala mayi manji alimwi.
Mbombuboobo mbozyizinguluka kuyaa kuba lyoonse kusikila mubili woonse
wamanina kuligwa.

"Nanka
mulilo wabo tuukazimwi."

“Kuzima”
caamba buyo “kuleka kuyaka”. Mumajwi amwi, ooko nkokwaamba kuti
kunyina pe unookonzya kulesya mulilo ooyo.Tuukazimi kusikila zyoonse
zyikamanine kupya (kuvwilima akunyeka). Basofweede
bayoonyekela lyo ncobeni kusikila bakabe mbuli masizi atwe.

"¹Amulange, kasimpe oobo buzuba bulasika, mbuzuba bunooyoopya
mbuli bbibi lyamulilo. Boonse balisumpula abasimucita zibi
boonse bayooba mbuli misunta yabwizu mumulilo, kasimpe
buzuba oobo buboola buyoobatenta amulilo, mbwaamba
Mwami Yahuwah Singuzuzyoonse. Taakwe muyanda nuuba mutabi
ngobayoosiilwa pe. ²Pele nywebo nomulemeka zina
lyangu, zuba lyabululami liyoopasula kalijisi amumuni uuponya.
Muyoozwida anze akutambala mbuli boombe nobazwa mucimpati. ³Mubuzuba
mbwendiyoocita zintu eezi muyoolyatauka babi, nkaambo bayooba
mbuli twe kutusindi twanu, mubuzuba oobo mwendiyoocita zyintu
zyoonse eezi, mbwaamba Mwami Yahuwah Singuzuzyoonse.

Mukonzyanyo
wa Mulilo“Uutazimiki”:

"Pele
kuti nywebo mutandiswiilili Ime akusetekanya buzuba bwa Nsabata,
alimwi kuti mutabwezi mukuli, akunjila mumilyango ya Jelusalema
mubuzuba bwa Nsabata; nkabela Ime njookutula mulilo mumilyango
yamunzi ooyo, alimwi uyoosyukuta masena aaJelusalema, alimwituukakonzyi kuzimwa." (Jelemiya 17:27)

Eeci
cishinshimi cakazuzikwa aakale mucaandaano 52:

"
Lino mubuzuba bwaciloba, bwamwezi wasanu mumwaka wakkumi afuka
wakulela kwa Nebbukadineza mwami waku Bbabbuloni, Nebbuzaladani
mulailili wabalindizi uuli ngoumwi wabapati-pati bamwami waku
Bbabbuloni, wakasika ku Jelusalema. ¹³Wakatenta ŋanda ya
Mwami Yahuwah, ŋanda yabwami, alimwi amaanda naali buti oonse mu
Jelusalema. Wakatenta amaanda aabalemenede oonse. ¹⁴Basilumamba
ba Bbabbuloni boonse aabo bakali kusolwedwa amulailili wabalindizi,
bakadilimuna bwaanda boonse bwakazingulukide munzi wa
Jelusalema.”(Jelemiya 52:12-14)

Kuzuzikwa
kwacishinshimi eeci kujatikizya mulilo uutazimiki waku
Jelusalema kwakaambwa amu 2 Makani:

"
Bakaumpa ŋanda yokwa Yahuwah akoola bwaanda bwamunzi wa Jelusalema.
Bakaumpa maanda aabwami woonse akunyonyoona zyintu ziyandisi zyakali
mumo zyoonse. ²⁰Aabo batakajaigwa bakatolwa mubwaange ku
Bbabbuloni. Bakabelekela Nebbukadineza abalunyungu lwakwe mbuli
bazike kuzoosika kuciindi cabulelo bwamuleli waku Pesiya. ²¹Aboobo
eezyo Mwami Yahuwah nzyaakaambide kwiindila mumulomo wa Jelemiya
musinsimi zyakazuzikigwa, kusikila nyika yakasekelela Nsabata zyayo:
nkaambo kufumbwa lyoonse nyika niiyooba tongo kwamyaka iili makumi
aali ciloba iyoolyookezya mbuli mu Nsabata. (2 Makani 36:19-21)

Bikkila
maanu aawa: Cilasalala kuti ooyo mulilo waakutulwa mu
Jelusalema (watakeelede kuzimigwa) tuucivwilimi akuyaka
mazubaano. Wakaleka kuyaka eelyo zyoonse nizyaamanina
kunyeka. Mbombuboobo mulilo mbuubede.

Citamvwisyidwe
cabili #2

Mateyo
25:46 – ⁴⁶Nkabela aaba bayooinka mumapenzi
aatamani, pele baluleme bayoonjila mubuumi butamani.

Bwiinguzi
/ Busanduluzi: "Cisubulo Citamani"
ngamamanino aabasofweede, kutali "cisubulo citamani.”
Lubeta lwa Yahuwah, kusubulwa kwabasofweede (nkokuti kunyonyoonwa),
kuyooba lyoonse kukabe kutamani; nkaambo eeci nceciyootobela lyoonse
kuti cintu canyonyoonwa. Basofweede kunyina pe nobayoopona alimwi.
"Masizi aavwilima mulilo abawide: abasowelwe mumulilo; mumilindi
milamfu kuyaansi, kutegwa batakonzyi kubuka alimwi."
(Intembauzyo 140:10) "Ncobeni, kuti webo walangisya
mubusena oobu, tabunoociliko pe." (Intembauzyo 37:10) "
Pele basofweede bayoonyonyoonwa; Alimwi basinkondonyina a Yahuwah,
bayooyuma mbuli kubekema kwamisena yabwizu. Bayoowunduluka
mbuli busi." (Intembauzyo 37:20) " Pele basimilandu
bayoonyonyoonwa antoomwe; mamanino aabasofweede nkunyonyoonwa ooko
kuyookosozya mazuba aabo." (Intembauzyo 37:38)

Kweezyekanya
a 2 Batesalonika 1:8-9:

"
Uyooboola amulilo uuvwilima uzyoosubula baabo batamuzyi Yahuwah
abaabo bataswiilili Makani Mabotu aaamba zya Yahushua Mwami wesu.⁹Cisubulo cabo ncakuti, bayoonyonyoonwa akutamani.
Bayootandwa kuzwa kunembo lya Simalelo, akuzwa kubulemu bwanguzu
Zyakwe. (2 Batesalonika 1:8-9)

Bikkila
maanu aawa: Alimwi aawa, “kunyonyoonwa” (cisubulo) eeco
citamani, kuleka kuti nkupenzyegwa kutamani peepe. Kunyina
pe mu Mangwalo aawo mpocaamba kuti basweekede bayoopenzyegwa kukabe
kutamani.

Citamvwisyidwe
catatu #3

Ciyubunuzyo
14:11 – ¹¹ Lino busi bwakupya kwamapenzi
aaya bulaimpuka lyoonse alyoonse: tabakwe kulyookezya syikati
nokuba masiku, aabo bakomba munyama amutuni wakwe kunyina
nobayoolyookezya kuzwa kukupya ooku sikati amasiku, antoomwe abaabo
boonse batambula caando cazina lyakwe.

Ciyubunuzyo
19:2-3 – ² Kubeteka kwakwe koonse kuliluleme
alimwi nkwakasimpe! Nkaambo Wakazula mukaintu uudumide sibwaamu ooyo
wakabisya nyika akaambo kabwaamu bwakwe. Yahuwah wamusubwida nkaambo
kakujaya babelesi Bakwe ³Alimwi bakapozomoka bakati,
Aalumbwe Leza! Busi bwamunzi ooyu bunoountumuka lyoonse alyoonse!

Ciyubunuzyo
20:10 –¹⁰ Eelyo Siluuni dyabooli ooyo
wakabacenga wakafusilwa mubbibi lyamulilo wamabwe aasalufa, oomo
munyama amusinsimi mubeji mobakabede. Nkabela bayoopenzyegwa
sikati amasiku mane kukabe kutamani.

Bwiinguzi
/ Bupanduluzi: Ibbala lyakuti “lyoonse” mu Bbaibbele
lyaambilizya buyo ciindi cikubwene, cigolela aciindi cimwi
nanka citakwe mpocigolela. Eeli bbala lilibelesyedwe ziindi
zyili 56 mu Bbaibbele kujatikizya zyintu zyakainda kumana kale
mazubaano. Muli Jona
2:6, ibbala lya "lyoonse" liiminina "mazuba
otatwe amasiku" (Jona
1:17). Mu Ciibaulsyo
23:3, ibbala lya "lyoonse" liiminina
"mazyalane aali kkumi." Mukujatikizya muntu, ibbala
lya "lyoonse" liiminina kuti "lyoonse kufumbwa
nacipona" naa "kusikila kulufu." (Langa 1
Samuele 1:22, 28 a Kulonga
21:6.) Basofweede bayoovwilima mumulilo lyoonse
nobacilanga, naa kusikila bakafwe. Eeci cisubulo cakuvwilima mumulilo
nkaambo kacinyonyoono ciyooimpana kumuntu amuntu kweendelanya
azinyonyoonyo zyakwe, pele caakumanina cisubulo eeco, mulilo
uyoozima “Kucinyonyoono kufumbwa nkocikonzya kujanwa, ‘
[Eloah] wesu uli mbuli mulilo uubbebba akuvwilima cakunyesya cili
coonse cikonzya kuyaka (BaHebulayo 12:29). Kuli baabo boonse
balikotamika ku nguzu Zyakwe a Moza wa [Yahuwah] uyooumpa
cinyonyoono. Pele mubantu aabo balamatide cinyonyoono, bayooba
kulubazu lwacinyonyoono. Nkabela bulemu bwa [Yahuwah], oobo
bunyonyoona cibi, bweelede kubajailizya (nkaambo bali kulubazu
lwacinyonyoono cikonzya kuvwilima kunembo lyabulemu bwa Yahuwah) ."
(Ellen White, Desire of Ages, p.107)

"Kasimpe
bali mbuli bungu, mulilo uyoobatenta. Tabakonzyi kulifutula, kuzwa
kumabanga-banga aamulilo uuvwilima. Ooyo tuuli mulilo wamakala
wakulikasaazya, tuuli mulilo wakuyota pe.” (Izaya 47:14)

"¹Amulange, kasimpe oobo buzuba bulasika, mbuzuba
bunooyoopya mbuli bbibi lyamulilo. Boonse balisumpula
abasimucita zibi boonse bayooba mbuli misunta yabwizu mumulilo,
kasimpe buzuba oobo buboola buyoobatenta amulilo,
mbwaamba Mwami Leza Singuzuzyoonse. Taakwe muyanda nuuba mutabi
ngobayoosiilwa pe. ²Pele nywebo nomulemeka zina
lyangu, zuba lyabululami liyoopasula kalijisi amumuni uuponya.
Muyoozwida anze akutambala mbuli boombe nobazwa mucimpati. ³Mubuzuba
mbwendiyoocita zintu eezi muyoolyatauka babi, nkaambo bayooba
mbuli twe kutusindi twanu, mubuzuba oobo mwendiyoocita zyintu
zyoonse eezi, mbwaamba Mwami Leza Singuzuzyoonse.” (Malakayi 4:1-3)

Kuyiisya
kuti kuli kupenzyegwa lyoonse kukabe kutamani ncecintu cakatonkela
banamaleya kuti bataalukile kukusulaika Yahuwah akusondoka kwiinda
cintu cili coonse eeco ncaakaanza dyabooli. Eeci ciiyo camusyobo ooyu
cisizya ciimo caluyando cabulemu cokwa Taateesu Uuli Kujulu, alimwi
cakaletela ntenda mpati kubulangizi bwa muna Kristu.

Mbuli
mbotuli basikwiiya ba Bbaibbele basyomeka, ncintu ciyandika kuti
swebo tuvwuntauzye tumpango toonse twa Mangwalo tujatikizya
ciiyo eeci katutaninga kosozya makani aali woonse pe. Lyoonse swebo
tweelede kusyomeka kucikkelo cabumboni the
weight of evidence.

Citamvwisyidwe
Cane #4

Kaano
ka Lazalosi aMuntu Uuvwubide (Luuka 16:19-31)

Bwiinguzi
/ Busanduluzi: Lazarus
and the Rich Man (Luuka 16:19-31)

Citamvwisyidwe
Casanu #5

Ciiminina
nzi "kupenga mukujokezyela kwamulilo uteeli"?

Bwiinguzi
/ Busanduluzi: "kupenga mukujokezyela kwamulilo uteeli"takuli "kupenzyegwa lyoonse kukabe kutamani mumulilo
uutakonzyi kuzima pe." Pele, nkupenzyelwa limwi nkaambo
kambuubede mulilo ooyo wuumpa kufumbwa cikonzya kuyaka munsi lyawo
alimwi tuuzimwi kuti eeco cikonzya kuvwilima kaciciliko akukonzya
kuyaka kusikila camanina do kuvwilima akunyekela limwi.

"
Mbweenya mbuli minzi ya Sodoma a Gomola, aminzi yakali
mumbalaa yeeyo mbuyakacita, mukulisanganya mubwaamu, akunjilila
muzyintu zyitondwa, eeyi minzi yakaba mukonzyanyo wakupenzyegwa
akujokezyelwa kwamulilo uutazimigwi." (Juda 1:7)

Mangwalo
alisalazyide kuti Sodoma a Gomola bakapenzyegwa “kusubulwa
kwakujokezyelwa mulilo uutamani.” Nokuba boobo eeyi minzi, abantu
bakali muli njiyo tabayaki akuvwilima mazubaano. Mulilo ooyo wakazima
kale nizyaamanizya kuyaka zyoonse. Aboobo mamanino aaminzi eeyo
taamani pe. Sulufa atwe eelyo licijanwa mukati amumbali
lya Lwizi Lufidwe (Dead Sea) mbobumboni bwamamanino aalubeta lwa
Yahuwah lwakaboolela minzi eeyi.

Mutwanga
Petulo awalo ulasalazya kwaamba kuti eeyi minzi yakaumpwa kusikila
coonse cijatikizya mayake nokuba wakajenwe mumunzi oomo aciindi eeco
cakaba twe:

"Alimwi
kupindulwa kwaminzi ya Sodoma a Gomola kuba twe ncecakabasinganya
akubaatula, akubabamba kuti babe citondezyo kuli baabo boonse
bacita zisofweede akupona munzila yabusofwaazi." (2 Petulo
2:6)

Bantu
bakakkede mukati kaminzi iisofweede eeyi bakasandulwa kuba twe
mbweenya mbuli bwakaamba bashinshimi kabeendelezyegwa abulemu
bwakujulu mbubakaambilizyide kuti basofweede mbobayooba aciindi
calubeta lwamamanino.

"¹
Amulange, kasimpe oobo buzuba bulasika, mbuzuba bunooyoopya
mbuli bbibi lyamulilo. Boonse balisumpula abasimucita zibi
boonse bayooba mbuli misunta yabwizu mumulilo, kasimpe
buzuba oobo buboola buyoobatenta amulilo, mbwaamba
Mwami Leza Singuzuzyoonse. Taakwe muyanda nuuba mutabi
ngobayoosiilwa pe. ²Pele nywebo nomulemeka zina
lyangu, zuba lyabululami liyoopasula kalijisi amumuni uuponya.
Muyoozwida anze akutambala mbuli boombe nobazwa mucimpati. ³Mubuzuba
mbwendiyoocita zintu eezi muyoolyatauka babi, nkaambo bayooba
mbuli twe kutusindi twanu, mubuzuba oobo mwendiyoocita zyintu
zyoonse eezi, mbwaamba Mwami Leza Singuzuzyoonse." (Malakayi
4:1-3)

Bikkila
maanu aawa: There
is an eternally burning fire, but it’s not what you think!

Kukosozya
makani: Basofweede basizibi abateempwibayoonyonyweedwa limwi amulilo kutobela cuulu camyaka the
millennium. Oolu “ndolufu lwabili."
Bayoolekela limwi kuba kuli koonse kukabe kutamani.

Zimwi
zijatikizya cibalo eeci…

Ciimo
cabafwide:

Kolyookezya mu Luumuno (video)

Buumi a Lufu: Kasimpe kamu Bbaibbele

Kubandika aBafwide: Kubandika a Madaimona (video)

Mulilo Uutamani: Kasimpe Kapindaudwe Lino Koololwa

Kukosozya makani: Basofweede basizibi abateempwibayoonyonyweedwa limwi amulilo kutobela cuulu camyaka the millennium. Oolu “ndolufu lwabili." Bayoolekela limwi kuba kuli koonse kukabe kutamani.

Related Content

Kukosozya
makani: Basofweede basizibi abateempwibayoonyonyweedwa limwi amulilo kutobela cuulu camyaka the
millennium. Oolu “ndolufu lwabili."
Bayoolekela limwi kuba kuli koonse kukabe kutamani.